قصيده اجمل ملاك…. بقلم / احلام الصاوي
كانت ايام وسنين كلها اوجاع
وفات الزمن بكل قساوه وفراق
كاس شربناه بمرارة الحرمان
والوجع شق الضلوع
وكسر الخاطر بقسوه وفقدان
عشان نقول قدر ومكتوب
ويارب عوضنا باللي جاي
ومرت سنين ورا سنين
نسينا فيها نفسنا
وفي وسط غيوم وظلام
فجاه ظهر نور من قلب الغياب
كانه ملاك من سابع سما
كانه كان مستنيني بقلب مهجور
قالي مين انتي وكنتي فين غايبه
قولت كنت بين السطور
برسم احلامي باجمل الحروف
قال ونا رسمتك بأحلامي
وياما تخيلتك بمنامي
مرت عليا كل البنات
الشقراء والسمرا
حتي اللي عودها غزال
لاكن كان ناقصني نبض يدق
جوه قلبي الخال
لكن رمشك سحرني ونظره عنيكي خدتني لبحر كله حنان
طول حياتي أتمناه
دورت عليكي بين قصص العشاق
ويوم ما لاقيتك مش حسمحلك
تبعدي عني يأكل الاحلام
قولت ورب الكون واللي خلق النبض بالقلب
انت ليا الفارس اللي تحلم بيه
كل البنات
وعيونك انا عشقاها
وضحكتك اجمل الامنيات
حتي غضبك كان بياخدني
بدفا حضنك من غير ما خاف
وعتابك ليا كان خوف وعشق
ويوم ما جريت تجيب شبكتي
كان يوم ميلادي معاك
ووعد العهد بينا باقي
ولو طال العمر حيكون ليك
بكل غرام
ولو قسي قلبك عليا يوم
حضمك بحضني كانك ابني
وهدهد عليك وقولك ايه يرضيك
اصل انا استنيتك سنين
و النهارده لرضاك انا حعيش
وحكون ليك قلب ام بكل خوف
لتغيب يوم عن عينيها
ولو في يوم زعلتك
يكون نهايه عمري
يا اجمل ملاك
التعليقات مغلقة.