لمت ضفاير شعرها
قبل النهار
واتكحلت من رملة البحر
الحنى كفها بالانتظار
ومابين غروب وشروق
لعبت على الاوتار.
عزفت غناوى الطير
على الأشجار
جمعت حمام الأرض
عصبت حلمها
غنت ياليل على
أرضها الحرف يزعق
فى الفضا
ينزف وجع اطفال
ياارض يافاردة الغنا
لية حزموكى بالدمار
لية بتموا حلم الصغار
لية شيبوا الاطفال
ياارض يا عشقانى ليسانى
عاشق الدار
والعشق نار والأرض
داير حلمها ينهار..
ليسة الورق فى الملزمة..بيقول ياناس فكوا الحصار
والشيخ بيطوى الدمع جوة
المئذنة
فيرج صوتك حلمنا
راجع يابكرة باسمنا
راسم لنا المسافات
كاتب على مفتاح بيوتنا
لمة الاطفال
الباقى مى الاطفال
والباقى من ضحكة صبايا الحى
والباقى من لون النهار..
امال خزعل
التعليقات مغلقة.