يعنِى خَلاص … كلمات الشاعر جمعة محي الدين
يعنى خلاص أنا وأنتَ مُش هنْكَمِل
يعنى خلاص الحُـب مابينا إتحوِل
من حُـب لِعتاب من عِشـق لِعذاب
مابَقِيناش أحباب خلاص ذى الأول
كل شـئ راح لِـحـاله
مين فِضِل على حاله
و مين فـينـا فى بَاله
يضحِي عشان الحُب
كل واحـد كان أنـانى
محَدِش سِمع للتانى
مضَحِيناش لو ثوانى
و كل الوعود كذب
كل واحـد بَـص لراحـته
كل واحد شاف مصلحته
و لا حَـد حَـس بقساوته
و جرحنا بعض بِجَد
و لا حـد فـيـنـا إتـنـازل
إحساسنا كان فى النازل
شُوفْنَا من بعـض مهازل
و كان لازم ليها حَد
لا رغـبـة و لا طُـمـوح
نِـكَـمِـل مش مسـموح
بِـسـهـولة بقينا نِـبُـوح
و نقول كلام جارِح
الحُـب الكـبـير إتْـهَـد
إدَمَـر بِـكُـتر الـعِــنــد
محَـدِش حـاوِل يِـمِـد
إيدُه عشان يسامح
