كِدبك مش هيحٓليك
و كِبرك مش هيخٓليك
تتأنىٰ لدقيقة
هتعيش على عَمَاك
يا مصدق هواك
و مكدب الحقيقة
يا مخالف ضميرك
شرك غَلَب خيرك
ما بين الناس.
مش دايمة الدنيا
بين لحظة والتانية
تتسحب الأنفاس.
مش هايفيدك غرورك
هتتردِلك شُرورك
دى سُنة الحياة
السِكينة سرقاك
و عقلك أهو معاك
نَصَحتَك لله
دَوَر على الخيرية
دى الناس سواسية
و الرب واحد
الكِبر وَهْم عالى
إياك من التعالى
بترخص الواحد
و إفهم الدنيا صَح
من وَهْمَك صحصح
عِيشها بتواضع .
اللى بايِعها كسبان
اللى شارِيها خسران
أنت ياللى سامع
