مافيش حد اسود
بقلم / ولاء زاويه
و سألت نفسي في يوم سؤال.. هل للبشر انواع !!
هل في ملاك بجناح.. وشيطان بإيه يتباع !!
طاب في بشر من دهب.. و في للردي تبّاع !!
سؤالي ليه العجب.. و مشيت له درب و باع
لقيت ايه !!
بصيت في وش و وش.. لاقيت فيه وشوش بنّور
ده وش مدهون رش.. و هْناك وشوش من نور
و ده وش راكب غش.. من تحته شين و فجور
و ده وش دوشه و وَش.. و عنيه تطق شرور
و اصعب وشوش البشر.. الصنف ذو الوجهين
تنظر له يحلي النظر.. و فقلبه فدادين طين
و اغلب وشوش البشر.. تنظر له تلقاه زين
و فقلبه حلم اتكسر.. و فايت له قلبه حزين
طاب ليه !!
مين لوثك يا بني آدم.. وانت مولود ع الفطرة
مين لونك و انت بن آدم.. و نسّاك انك عتره
مين لوعك و بت نادم .. على كل وقت و فتره
مين لوّشك وصرت عادم .. لدنيا باهته و فاترة
طاب ايه !!
كل البشر كلهم.. فيهم نصيب ملخير
لوحتي قابلك شرهم.. فالقلب جواه غير
جرب تقرب منهم.. و تنط جوه البير
طاب غوص كده فقلبهم.. حتلاقي فرشُه حرير
اصل انتوا مش عارفين..
أما ادم اتخلق.. المولي نفخ من روحه
والروح دي نور الفَلَق.. غمرت آدم لسفوحه
عطس آدم و انطلق.. فيه دمه.. و شد صروحه
و من بعده جينا مالعلق.. وبقينا احنا طروحه
ولما آدم عطس.. رد المولي و قال يرحمكم الله
يعني فآدم اتغرس.. روح الخير و رحمة ونور مولاه
و بعده زارنا النفس.. حامل نسيم الرحمة و النور وياه
لو فينا دار العسس.. حيلاقي قلب البشر عمران بنور الله
الخير فقلب الناس..
قالها الزمن عبره و حقيقه حتميه..
مهما اختلف اجناس..
و اتلونت بشره.. دي العبره بالنيه ..
فتش عليه بإحساس..
حتلاقي فيه البذره مالمولي مرويه..
بذرة الخير دي اساس..
فقلب البشر.. بالرحمه و النور مطليه..
التعليقات مغلقة.