تفرير : عمرو سراج
مصر بتضيف لرقعتها الزراعية ما يقرب من ٦ مليون فدان جديدة على ال ٩.٥ مليون فدان اللي بتملكها
٢.٨ مليون فدان في غرب الدلتا ، نصف مليون فدان في سيناء ، مليون فدان في توشكى ، مليون ونصف فدان مقسمة على غرب المنيا و المغرة و أبو منقار و الفرافرة و العوينات و شرق العاشر
بخلاف مشروع ال ١٠٠ الف فدان صوب زراعية اللي بيوازي حجم انتاجه مليون فدان اراضي مفتوحة وده بيتم تنفيذه بتكنولوجيا أسبانية مع شركة Meridian
في الحقيقة ان مصر حالياً شغالة علي قدم وساق، دولة معندهاش موارد مائية تقريبا و كل اللي بتملكه ٥٥ مليار م٣ مكعب من نهر وحيد و مع ذلك بتضاعف رقعتها الزراعية اللي امتلكتها على مدار ٧٠٠٠ سنة تقريبا ٦٥٪ في سنين تتعد على الصوابع
المشاريع الزراعية الجديدة كلها قايمة على أحدث طرق زراعة في العالم اذا كان في طرق الري معتمد على اجهزة الري المحور او الحصاد اللي بيتم بمعدات حديثة جدًا تم توريدها من شركات Ropa و Class الألمانيتين لتقليل الفاقد و الهدر للوصول للمعدل العالمي يعني التكنولوجيا المستخدمة في الريف المصري الجديد هي نفسها المستخدمة في الريف الألماني
ده يعني بالنسبة للي كان بيسأل مصر ليه مش مهتمة بقطاع الزراعة رغم ان القطاع ده انهاردة بيشهد طفرة يمكن ثورة محمد علي باشا الزراعية مضافتش حجم الأفدنة المهول ده
طبعا متطرقناش لمشاريع تبطين الترع و مصنع اجهزة الري المحوري و مصنع الحبوب اللي هينتج تقاوي من الجيل الرابع بدل من استيراد تقاوي جيل سابع بمليارات الجنيهات سنويا و نرجع نعالجها جينيًا من الأمراض كل ده هنتكلم علية أن شاء الله هذا الأسبوع
التعليقات مغلقة.