بقلم : نعيمه على النطاح
قلت عليا وفيا وفيا
وغدرك معدن أصلي فيك
أكذب كمل خوذ هدية
غسلت وسخ الدنيا عليك
أكذب زيد وعبر أكثر
كذبك ماشي بلا رجلين
وانسى عشرة كانت سكر
عشرة محسوبة بسنين
وخلي فبالك مية مية
فيوم اضوق اللي يبكيك
لحظتها اذكرني شوية
ودرق دمعات مياميك
قلت عليا وفيا وفيا
وغدرك معدن أصلي فيك
أكذب كمل خوذ هدية
غسلت وسخ الدنيا عليك
أكذب عادي الكذب يجوز
بين الحي وبين الميت
وأكذب كذبة ولى زوز
وعسّل كذبك ولى زيّت
عادي كذبك ديره تكية
مد ومايجيبو جواجيك
كذبك حتى فسوق النية
رخيص وما واحد يشريك
قلت عليا وفيا وفيا
وغدرك معدن أصلي فيك
أكذب كمل خوذ هدية
غسلت وسخ الدنيا عليك
أكذب خلي شوية بس
شن معناها تكون بنادم
واعرف كانك عندك حس
ربي فوقك حي ودايم
هي الدنيا زي ماهي
وانت دير اللي يرضيك
وزي ماكذبت اليوم عليا
غدوة يجيك اللي يوريك
قلت عليا وفيا وفيا
وغدرك معدن أصلي فيك
أكذب كمل خوذ هدية
غسلت وسخ الدنيا عليك
التعليقات مغلقة.