قبل موسم الأنتخابات !!

علي فكرة !!
جمال البدراوي : يكتب
قبل موسم الأنتخابات !!
الحمد لله أنا عضو عامل في 14 نادي بداية من الزمالك والشمس والطيران ووادي دجلة والصيد والنصر وغيرهم ومع أقتراب موسم الأنتخابات في هذه الأندية كانت هناك رساله من بعض أعضاء أحد الأندية لأحد المرشحين الذي بلغ عنده الخرف منتهاه ..فلا تتعجب ياعزيزي المتابع فأنها علامات الزهايمر وبلوغ سن العجز فهو العته بعينه فهناك نادي كان مسلوب في عهده محلوب منهوب ..منه تاره ومن صبيانه تاره ..وتارات ورأيته في حديث مع هلفوت له مأجور..يذكرنا عندما كان يعاير ويجاهر بالحسنه التي يعطيها للنجوم القدامي من الكباتن عليه وعلي من في ناديه ياما وياما.. اللي منهم قال عليه أشتري له عربيه بالتقسيط وبيدفع له أقساطها بشكل مريح….شخص ما دايما بيسمع لناس أهم حاجه عندهم الجنيه..غرقوه وياما ضحكو عليه ..وقال أيه راجع..ليه نسيتوا اللي جري ..طب هاتوا الدفاتر تنقرا..عموما عندنا دفاترك وسيديهاتك ..ووقت اللزوم هنوريهم مؤخراتك ..اللي صورها متحرزة ولا نسيت غرامياتك ..يا غرامياااااتك يا سكره ..وقبل ما أسيبك تعالي قول لي هو مين اللي طفي نورها وباع لطوب الأرض كل أصولها من لاعيبة وكراسي وشماسي.أه يا شوية فاسدين ملاعين ..بتقولوا هنرجع لها النور..دا حتي الكهربائي اللي دخل النادي يغير لمبتين ..طمع في الرئاسة وقال للوزير يا خال خليني أبقي ريس حتي لو سنتين.. وأتمريس وحصل للأسف وبقي أبو جلابية كستور ريس وعينك ما تشوف إلا النور ومن ساعتها النادي في ضلام .. بقولك أنت وهو يابعيد ..عيب أختشوا وأرحمونا ده أقل مرشح فيكم جد شايب وعايب ومن عمر جد أبونا مبقاش فيه شعره بيضا في صلعته تختشي ولا حتي ذرة دم في وجهه تحتشم ..روحوا شوفولكم دار مسنين تغسلوا فيها ذنوبكم وتقضوا يومينكم الباقيين ….ده خرف وخاب ..حتي لما جاب واد وقاله أنت حبيبي وأبن حبيبي يالا أشتم لنا في أسيادك وأمر صبيانه يوعدوه زي زمان فراح الواد ماكدبش خبر وهات يا ميكروفونات.. بقلة أدب وإهانات.. متلفقة وشائعات متزوقه وكذبات.. بعد أن أقنعوه بأنهم (هيأبجوه ) لكن للأسف ورا مصنع الكراسي ..وخدوه..وعرف الواد غلطته ورجع قال نادم علي فعلته ..وعرف أنه مجد في القرد أبو صديري ..اللي أنتهت صلاحيته من الستينات يعني من ستين سنه ولسه عبده مشتاق ماشبعش بدل السبع سنين كانت سنوات عجاف.. أستفاد من كل حاجه جوا النادي وخلي حتي الحنفيات تعاني الجفاف حتي (الكنيف) اللي أسمك عليه فاكره ( الحمام ) والرغيف اللي أديته للعمال كتبت أسمك عليه بيافطه يا راجل أختشي ..قصدي لو كنت راجل أختشي !! ..بتقول أنك جاي طب وحياة أبوك ما تجيش لأحسن هنخليك عبرة ماتساويش لمن سرق وأهدر وأفتري وظلم ..عموما أقولك ..تعالي تعالي بس بضهرك ..نزولا علي رغبة (الأعضاء) اللي عاوزاك ..واللي مش عاوزاك بيقولو لك غور وطرقنا وأوعي نشوف وشك وفارقنا. بتتكلم عن المعايرة وأنت أساسها .. مش ده عضو النادي اللي قلت عليه بتشتريه بسندوتش فول يا جعان ..إسمع ياولد مهما كنت غني الغني مش بالفلوس الغني في النفوس ياصدمان وعمرك ما كنت بتصرفاتك دي (شبعان ) الشبع ياولد بيجي من ( طبلية أبوك ) مش من طابونه العيش ..ونيابة عن الأعضاء بنقولك بألف صوت وصوت غوووووور ..وكفانا قرف ونجاسه وشذوذ ..ولسه أستناني أستناني عندي ياما كتير لك وياما في الجراب يا حاوي ..أصلي ما قلتلكش أني علي كشفك ناااااوي !!