الواحد الحياة اخدته ونسي كل حاجه بسيطه وجميله كانت بتسعده
كنت باطير من الفرحه بالورد واكتر حاجه كانت بتخلينى هاديه أن الورد اللى فى بلكونتى يبقى كتير وبيزهر مجرد روح الورد فى بلكونتى كانت بترد فيا الروح
فيروز وجمال صوتها
ملحم زين وهو بيغنى عندك بحريه
والليل يا ليلى يعاتبنى
التمشيه لوحدى واجيب لنفسي شوكولا وارجع
اقعد مع نفسي وانام
القعده الساعه 10بعد يوم طويل قدام روتانا دراما باتفرج على مسلسل سورى أو لبنانى واروح معاهم فى دنيا تانيه
كل ده بالرغم من أنه بسيط اوى بس كان بجد بيخلينى سعيده
من يوم ما الواحد ربط سعادته باللى حواليه وبدأ ينسي نفسه علشانهم اتسحل فى دوامه الحياه وقلبه صدى
يوما ما حارجع افرح اوى بالورد وقلبى يدق ويبقى سعيد مع صوت فيروز
وابقى مبسوطه اوى وملحم زين بيغنى عندك بحريه والليل يا ليلى يعاتبنى
حارجع اتمشى لوحدى واتفرج على 24قيراط أو جوليا أو كراميل أو 2020وحاكون سعيده
اكيد يوما ما حارجع أنا
التعليقات مغلقة.