جبر خاطر …. كلمات جمعه محي الدين
كل البشر إخوات
متميزين بصفات
أجمل مافيها الرحمة
و المعروف و الخير
و جبر خاطر إنسان
فيها رضا الرحمن
و الخير أوله كلمة
لو تتقال بضمير
نصيحة متزعلش أمك
تحترم أبوك و عمك
و خالك واللى من دمك
وأما تشيل هم أخوك
جيرانك واللى بيحبوك
هما دول اللى بيحِموك
علم الشهامة لإبنك
تصاحبه و تقربه منك
بكرة يكبر و يشيل عنك
خليك جدع مع اللى تَبعَك
خلى الناس فى الخير تِتبعك
و خلى الرحمة دايما طبعك
خلى الكبير كبيرك
متتكبرش على غيرك
ومتحرمش الناس من خيرك
خليك خادم للناس
إخدمهم لله و خلاص
بطيبة و رحمة و إخلاص
