أم الشهيد… أمل خزعل
متعزونبش………..
فى ابنى الوحيد
ودى رغبتة
ربيتة ع الممكن
فى عز المستحيل….
رضعتة حبى للوطن
صار يحبى يكتب بالكفوف
على أرضها
ابنك .انا..وانتى. على راسى
ومش ناسى
بصمة كفوفى ع التراب
ياارض بتربى الرجال
انا كنت بحبى
وانهارضة بتسند وعلى الجدار
هكتب حبيبتى للابد.
واتعلم الخطوة الجريئة
وابتسم وسط الخطر
شاهد علينا ياجبل
دانا الولد اللى اتولد
لمست كفوفة الأرض
عدى للموانى كلها
ليساة وليد…..
لكن الأكيد.
الحب والإصرار بيبنى
مانا علمتنى حبيبتى
إن الحب معاناة العطاء
واخترت اكون كل العطاء
هديكى روحى مش خسارة
ف عزتك
بس الوصية لامى
لاتبكى على اغلى الرجال
انا حى ……
مش ميت ليوم الدين
متزعليش
متزعليش ابنك وتبكى
وكفاية انك فى القلوب
ام الشهيد
التعليقات مغلقة.