حِبَك و أنتَ بِتِحلَو
وِ وَاكِل كُل الجَو
مَبِتخافْشِ مِن العَو
و مُرَوأ على نَفسك
أحِبَك وأنتَ فى حَالك
و لا بِحد شاغِل بالك
واللى مُزَوِد جَمالك
بِتعمِل اللى فى نِفسك
أحِبَك و أنتَ بَسيط
مُش مُتكَبَر و عَبيط
مَالكشِ فى التَخْبِّيط
و لا لِيك فى الرَزالة
أحِبَك علشان طَيِب
و مِن الحَق قُرَيِب
و فى الشِدَة بِتطَيِب
و بِتُقَف وَقْفِةْ رِجَالة
أحِبَك عَلشان كَبير
عشان شَهم و أمِير
و فى الخير بِتطِير
و تساعد كل الناس
أحِبَك علشان شِديد
و فى الحق عَنِّيد
و عن الشَر بِعيد
و كُلَك ذُوق و إحساس
أحِبَك و أنت مِتأنِي
و أنت رايق و بِتغَني
أخلاقَك بِتبْهِرنِي
دة اللى ذَيك قَلِيل
أحِبَك علشان كَرِيم
و إبن أصُول و حَكِيم
قلبك أبيض و سَلِيم
من جُوا و بَرا جميل .
كلمات/
جمعة محى الدين
التعليقات مغلقة.