أبو العيال وفردة الشراب
بقلم / مها عامر
أبو العيال: يا أم العيال انت يا أم العيال
أم العيال: عايز ايه يا أبو العيال مش شايفني مشغوله مع العيال وبحضر السندوتشات عشان الميعاد جه وهيخرجوا
أبو العيال: فين فرده الشراب الرمادي
أم العيال: مش جاي خالص فى بالي
أبو العيال: طيب فين فرده الشراب الكحلي
أم العيال: كحلي ايه وبني ايه الشرابات اللي شبه بعض عندك على المكتب
أبو العيال: بس انا كنت عايز البس الشراب الكحلي مع البطلون الكحلي
أم العيال: معلش اتنازل عن أحلامك النهارده والبس البطلون الاسود مع الشراب الاسود انا مش فاضيه دلوقتي ادور
أبو العيال: طيب الفطار متحضر
أم العيال: متحضر هو و الارواح
أبو العيال: أنا عايز قهوه
أم العيال: الشاي اتعمل خلاص ولازم يتشرب كنت قول من الاول
أبو العيال: أنا بقول ان الشاي على الصبح احسن بردو
أم العيال: مش عارفه ليه كده النهارده حاسه ان كلامك فيه صفه الأمر
أبو العيال: امر !! الأمر لله
أم العيال: انا داخله اكمل نومي عشان مصدعه عشان اقدر اقوم واطبخلكم الغدا
أبو العيال: نوم العوافى يلا يا ولاد نخرج مع بعض
الأولاد: لأ احنا هنروح مع أصحابنا
أبو العيال: أحسن سلام
التعليقات مغلقة.