أم العيال: والله أنا زهقت من كتر ما بتكلم مفيش فى مره تعمل مفاجأه وتجيب من غير ما أقول
أبو العيال: خير يا أم العيال فيه ايه تاني؟!!
أم العيال: إنت مش بتخرج كل يوم و شايف
أبو العيال: ما أنا شايف كتير هقول إيه ولا إيه !!
أم العيال: انتي مش عيزاك تقول أنا عيزاك تجيب
أبو العيال: وهو أنا مأثر
أم العيال: و بالكلام مش متأثر
أبو العيال: قولي على طول انتي عايزه ايه ؟!
أم العيال: انا زهقت و مليت من الكلام واللي بقوله ب عيده و ازيده
أبو العيال: أنا صحيح بعض الحاجات بطنش بس نيتي حلوه والله
أم العيال: هنعمل ايه بالنيه طيب خمن كده ايه المطلوب ؟!
أبو العيال: الكلام بدأ يبقى طوب
أم العيال: بتقول ايه !!
أبو العيال: اقوم افطر واجيب الغدا يدوب
أم العيال: هتجيب الغدا بس
أبو العيال: هجيب المطلوب
أم العيال: يعني فاهم وواخد بالك ومطنش زي كل سنه وبرده بتجيب
أبو العيال: مدارس وحلاوه مولد وارتفاع اسعار ماهي الحياه بقت نار
أم العيال: ربنا يخليك لينا ودايما يجعله عمار
