بقلم مها عامر
أبو العيال: أنا مستغرب يا أم العيال انتي لسه مطلبتيش حاجه للعيد
أم العيال: أنا إديت فلوس للعيال يشتروا اللي هما عايزينه
أبو العيال: وهما هيعرفوا !! هيضيعوا الفلوس فى الفاضى ومش هيجيبوا حاجه تنفع ولا تشفع
أم العيال: خليهم يتعودوا على الشرا والمعامله مع التجار
أبو العيال: لأ لأ انا مش موافق خالص على الموضوع ده يا أم العيال ومش عارف ازاي تفكري كده ازاي ؟!
أم العيال: اومال هيتعلموا ازاي ويفهموا الدنيا
أبو العيال: مجوش يفهموا الدنيا إلا الأيام دي بالذات يا أم العيال انا نفسي بيضحك عليا ايش حال هما
أبو العيال: انا اللي هخرج مع العيال واشتري الحاجات السنه دي
أم العيال بصوت منخفض: ألف حمد وشكر ليك يارب الخطه نحجت
