أبو العيال و المحشى.. مها عامر
أبو العيال: أم العيال أنا مش عارف اقولك ايه ولا اجيبهالك ازاي !!
أم العيال: قول يا أبو العيال و فعلمك انا مش قادره اعمل عشا واصلا مش بتعشى
أبو العيال: عشا ايه بس الموضوع أكبر من كده بكتيررر
أم العيال: خير قولى بسرعه
أبو العيال: احنا عايزين محشى
ام العيال: نفسيتي مش جايبه محشى خالص مع اني نفسي فيه من الأسبوع اللي فات
أبو العيال: بتقولي ايه بصوت واطي يا ام العيال ؟!!
أم العيال: انا !! لأ بكح كح كح..
خلاص ممكن يوم الجمعه عشان اجازه
أبو العيال: اجازه ايه هو انتي بتشتغلي اصلا
أم العيال: انا مش بشتغل ده انا مش ببطل شغل ولف طول النهار
أبو العيال: مش قصدي خالص لكن اقصد يوم الاجازه بيبقى للموظفين
أم العيال: لأ ياغالي عشان تساعدوني انت وولادك
أبو العيال: كله إلا يوم الجمعه انا مش فاضي انا رايح اصطاد
أم العيال: ضحكتني والله امال لو كنت اصطدت بساريا واحده كنت عملت ايه !!
أبو العيال: مش لسه فى مرحله التعليم
أم العيال: وان شاء الله هتاخد
الشهاده وتزاول المهنه امته؟!!
أبو العيال: اديني شهر بس اكون صياد محترف
أم العيال: ابقى قابلني من الاخر عايزين محشي لا خروج ولا مسك موبايل الا لما يتحط على النار الاول وبعدين كل واحد يشوف مصلحته
أبو العيال: يعني يالصيد يا المحشي
أم العيال: بالظبط كده فكروا وقوليلي
