أبو العيال و الغدا … بقلم / مها عامر
أبو العيال: حاجه غريبه أم العيال بقالها فتره مطلبتش مني حاجه
أم العيال: أبو العيال أنا عايزه فراخ بكره وملوخية هاتها وانت جاي عشان احب تبقى الحاجه موجوده
أبو العيال: ياريتني افتكرت مليون جنيه
أم العيال: ياريت يبقوا معاك عشان أخذهم منك
أبو العيال: اشمعنا ملوخية
أم العيال: العيال عايزين ملوخية
أبو العيال: أجيب من اللي بجيب منه كل مره
أم العيال: اه وهات معاك جبنه رومي وعيش فينو بالمره و شيبسي
أبو العيال: اجيب حاجه تاني
أم العيال: بلاش اسئله وهات الحاجه بدل ما اطلب منك حاجات تانيه
أبو العيال: طيب أنا هقعد شويه على القهوه أنا وواحد صاحبي
أم العيال: وماله يا خويا اهو تروق عن نفسك شويه
أبو العيال: يمكن اتأخر
ام العيال: جيب الحاجات واتأخر براحتك ولا ابعت ليك هاني ياخدها
أبو العيال: يعني أهم حاجه الحاجه
أم العيال: لا أهم حاجه اللي هيجيب الحاجه
أبو العيال: هجيب كمان جاتوه
أم العيال: بس اوعى فى اخر الشهر تقول ياهووو
بالمره اشحنلي رصيد
أبو العيال: انا بكره رايح رحله صيد
أم العيال: هو انت بتعرف تصطاد
أبو العيال: نتعلم الصيد والصبر
أم العيال: يلا عشان تلحق محل الفراخ قبل ما يقفل
أبو العيال: عادي لو قفل هتاكلوا اكله سمك محصلتش
أم العيال: فعلا شكلها هتبقى اكله محصلتش!!!
التعليقات مغلقة.