يا عازف الناي … بقلم احلام الصاوي
ياعازف الناي الشوق مالوش اعذار
وانا بسمع حنيني له ليل ونهار
ياعازف الناي عزفت باوتار قلبي
وشجن عزفك لوجعي قاسي وجبار
ياعازف الناي قلبي مشتاق لوطن الاحباب
عزفت بالوتين بكل وجع واحزان
صوتك كلم شجن شوقي
لحبيب فاتني وراح
ياعازف الناي انين عزفك شق الضلوع
علي اللي فارق وسرق مني
العين والروح
مع طلوع النهار اشتاق للقاه
ومع الغروب تغيب روحي تدور عليه
ياعازف الناي صوت عزفك بكاني
وعيوني بعزفك تترجي رجوع
اللي سرق مني الروح وغاب
ياعازف الناي اللي غاب
خد معاه فرحي
وسابني معاك ابكي بوتر حزين قاسي
ياعازف الناي قول للي غاب
الزمن عليه يبكي
وبيتمني لقاه بكل حياه
ياعازف الناي صوت شجنك
عذب القلب بذله الاشتياق
ياعازف الناي صوت انينك اشجاني
بلحظه فراقه من غير وداع بكاني
ياعازف الناي كمل شجنك
انا اللي حاولت اداري دموعي بوجعي
لاكن حتي الدموع ملكه ومش ملكي
ااااااه من انينك ياناي جبااااااار
خدني وراح لديار الاحباب
لا لقيتهم ولا حتي لاقيت منهم جواب
ياعازف الناي اصرخ وقول
كماااااان وكمااااااان
فاتوني الحبايب غريب ف البلاد
عليهم ادور بقلب موجوع
وليهم مشتااااق
ياعازف الناي كمل شجنك
وقول للي غاب انت اغلي من كنوز
العالم وعشق كل العشااااق
وبشجنك قوله إن البعد
مش حينسينا
دي روحه بقلوبنا ساكنه
بشوووووق كاوينااا
ياللي فارقتم وسبتوا القلب يناجيكم
فراقكم بالقلب حطب وناااااار
ياعازف النادي فؤادي
اشتاق لنظره من عنيه
وياما الشووق قتل عشااااق
ياعازف الناي كمل شجنك
وخدني باوتار عزفك
لحضن حبيب غااااااايب
وفارق دياااااااااار الاحباب
التعليقات مغلقة.