يادار … للشاعر محمد مصطفي التهامي

يادار … للشاعر محمد مصطفي التهامي
راحوا فين احبابك يادار .
وراحوا فين الحبايب .
كل اللى كانوا فيكى حضار .
صبحم فى علم الغيب .
وغابوا ويا اللى غايب .

واللهى ياموت بتاخد مننا .
كل اللى كانوا من القلب قرايب .
أنوار البيوت بتنور .
بوجودكم يابركة البيت .
وبغيابكم طفى قنديلها .
وفيكم اتعزيت .

ياموت مالك اعذار .
ولا منبه ولا انذار .
ضيفنا تجيلنا فجأه .
تاخد حبايب الدار .

راحت القلوب الطيبه .
وراحت معاها البركه .
واتقسمت العيشه .
بعد ماكانت شركه .
وكل البشر احباب .
طول مالام عايشه .
وطول مالسند موجود .
كل الكبير والصغير .
يحترموا الشعر اللى شاب .

وساعات مابالموت يغيبوا .
تظهر مساوئ البشر .
ويبان كل اللى مدارى .
وكله يقول يالا نفسى .
ونصيبى مالتركه .

سلام يأغلي الحبايب .
ياللى نورتوا حياتنا .
وكانت بوجودكم نور على نور .
وساعات مالقلب كان يشوفكم .
من الفرح بيكون مسرور .
واللهى انتوا مشيتوا .
والخير مشى وياكم .
طب ليه سبتونى لوحدى .
امتى تاخدونى معاكم .

بقلوبكم الطيبه.
فى الجنه متنعمين .
‏وفرحانين بوجودكم .
‏فى رحاب رب العالمين .

ياموت اخدت الحبايب .
ولا بتبقى علي اصحاب .
ولا بتخلي خلان .
أخدت بركة حياتنا .
وقفلت وراها البيبان .
لطفك علينا يارب .
راضين بحكمك يارب .
لكن احنا بشر .
ووجعتنا الاحزان .