و أقول له.. يقول لي عادي..
بقلم ولاء زاويه
و يسيبني بحطة ايده ساعات
ولا يسأل ولا يبعت مسدات
و دماغي تودي تجيب فحاجات
وأقول له.. يقوللي عادي..
مالصبح ماشوفه لآخر اليوم
وان جه و حكي يشكيلي فهموم
و ان جيت أنا احكي يسيبني يقوم
و اقوله.. يقولي عادي..
و يخلص بدل الفيلم اتنين
و لا فسحه لايوم حد ولا اتنين
طاب أنا اشتكي من همي لمين
و أقوله يقولي عادي..
و تملي قاعدلي ماسكلي الفون
و سكوته ده ليه اشكال و فنون
طاب ليه يعليلي خمسين هرمون..
و اقوله يقوللي عادي..
لالأ لالا لالا لأ..
و لا عمر ده كله عادي..
لالا لالا لالا لا..
ولا عمر ده كله عادي..
و لا عايزه اعيش عمر فاضي.
و لا حقبل حب افتراضي
ولا حرضي و لو كنت راضي..
و حيفضل ليك قلبي قاضي..
و حيقدم ليك اعتراضي..
بس ولا تقول تاني عادي..
لالأ لالا لالا لأ..
ولا عمر ده كله عادي..
لالا لالا لالا لا..
و أقول له يقولي عادي..
لالا لالا لالا لا..
ولا عمر ده كله عادي..
التعليقات مغلقة.