محدش عارف طريق البلد ياخدني معاه…
صل انا مش عارف العنوان
انا مش فاكر غير اسمي
وحتي مش كامل كماااان
ياااااه… هو انا تعبان لدرجه مش فاكرني!؟
يااااه… هو انا زهقان طفشان
وكمان مش عجبني؟!
محدش عارف طريق البلد ياخدني معاه..
اصل انا تايهه حيراااان
ايه اللي اتغير كده وغيرني؟
محدش يعرفني
محدش يرحمني
ويقلي انااااااا مين
انا عارف اني شكلي اتغير
وطبعي اتاثر
وكلامي اتبعتر …
بس لازم يكون لي علامه
ويكون لي اماره زي بلدي
محدش يوصلني
وهناك نعرف بعض
لما احضنها وتحضني
انا جايلك يااااا بلدي
راجعلك ياااا عمري
بس حد يوصلني. بس حد يرحمني
انا جايلك ياااا بلدي
ماشي حاااافي ومدروش
اتلم ف حضنك
كفايه عليا اسمي جمب اسمك
حتي لو ميت. او كنت درويش.
شعر / سعد صقر
