عمرو سراج تحيا مصر يكتب أفلا يتدبرون حكايات الكوكب
عمرو سراج تحيا مصر يكتب أفلا يتدبرون حكايات الكوكب
إيران..
إيران خلاص قالت لأمريكا أمك ف العشة ولا طارت…
وطلعت على قمة سمرقند ووقعت على ٥٨ إتفاقية للإنضمام لمنظمة شنغهاي مع الصين وروسيا مش كدا وبس ..
دا كمان في وفد روسي من ٨٠ شركة روسية هيكون ف طهران الإسبوع اللي جاي إنتوا عارفين المشكلة ف فين؟؟
المشكلة ان إيران قلعت أمريكا ملط وفالآخر قالتلها بطلت وع الناحية التانية من الكوكب روسيا عم الكوكب
والكواكب المجاورة بوتين هيجتمع برئيس الصين ورئيس إيران والهند وباكستان على هامش قمة شنغهاي ف سمرقند إيه هي بقا أهم اهداف قمة شنغهاي؟؟
هي مجموعة إتفاقيات إقتصادية وعسكرية بين الدول اللي ف المنظمة والتعامل بينهم بالعملات المحلية بعيدا عن الدولار ومن اهم اهدافها إقامة نظام دولي عادل وإسقاط العقوبات اللي فرضتها أمريكا على الدول دي خد بالك بس من أهم نقطة فى منظمة شنغهاي دي إن الدول اللي فيها عدد سكانها بيمثل نص سكان كوكب الارض دا كفاية الهند والصين بوتين بقا عامل قمة شنغهاي وسايب اوروبا تحترق يا منى خد بالك ان أنچيلا ميركل هي آخر حد كان بوتين بيحترمه ف اوروبا كلها كمان فكوكب روسيا….
طلع وزير خارجية روسيا وقال الضمانات الامنية اللي طلبتها اوكرانيا مع الناتو وامريكا هتكون سبب في قيام الحرب العالمية التالتة…..
قالها وش كدا طب إيه هي الضمانات الامنية دي !!
هبقا اقولكوا عليها فالناحية التانية من كوكب اوكرانيا…
وع الناحية التانية من الكوكب أوكرانيا
طلع زلينسكي رئيس اوكرانيا وقال اوكرانيا ليها طلبات أمنية من اوروبا وامريكا علشان نقدر نقف فى وش روسيا اول طلب دعم مادي غير محدود عايزين فلوس وفلوس كتير جدا تاني طلب ودا الاهم ان الناتو يدخل بقواته ويحارب معانا علي الارض تالت طلب انضمام اوكرانيا للناتو رسميا طبعا مش هقولكوا رد بوتين
ع الكلام ده علشان بوتين عمل بمناخيره صوت استغفر الله العظيم
وع الناحية التانية من الكوكب الصين
الصين طلعت وقالت ان منظمة شنغهاي بتمثل نظام عالمي جديد ممممم هو بيرمي كلام على مجلس الامن والامم المتحدة اللي بتتحكم فيها امريكا كمان الصين طلعت وقالت القوانين اللي هيقدمها الكونجرس الامريكي بخصوص تايوان عيب وقلة ادب والصين مش هتسكت على قلة الادب دي كتير
وع الناحية التانية من الكوكب أمريكا
يوم الأربعاء الاسود فالإقتصاد الامريكي زي ما سمته كل الصحف العالمية إنهيار كامل للبورصة في امريكا وخسائر بالمليارات وناس صحيت من النوم لقيت نفسها مفلسة وليلة كبيرة سعادتك
وع الناحية التانية من الكوكب إسرائيل
وزير الدفاع الإسرائيلي غانتس طلع وقال إيران خلاص مش هتوقع على الإتفاق النووي وخلاص الإتفاق دخل الإنعاش
وع الناحية التانية من الكوكب. كوكب تحيا مصر
الرئيس السيسي ف قطرووقع مع تميم مجموعة إتفاقيات وإستثمارات بس أهم إتفاقية هي تسييل الغاز القطري
في مصر وبيعه لاوروبا يااه قطر من ٢٠١٠ بتحاول تسيطر على مصر علشان تاخد غاز شرق المتوسط بتاعنا تقوم مصر تعمل هجمة مرتدة وييجي الزمن اللي اشوف فيه غاز قطر بيتسيل فى مصر وبيتباع لأوروبا بس لازم تاخد بالك من نقطة بعد ما بايدن راح السعودية واتعشم ان السعودية تزود انتاج البترول راح السيسي اتصل بولي العهد وبعدها السعودية اعلنت انها مش هتزود الانتاج بسبب اوبك بلس من اسبوعين بقا وزير الطاقة الالماني كان ف قطر علشان علشان كان متعشم ف غاز قطر وقطر وعدتهم انها هتحاول تمدهم بالغاز امبارح بقا قطر قالت مش هينفع نبعت غاز لألمانيا بسبب اني معندناش تكنولوچيا اسالة الغاز والتكنولوچيا دي مش موجودة غير فى مصر وعلشان نبني مصانع إسالة محتاجين على الاقل من تلات سنين ل خمسة بصوا احنا هنودي الغاز لمصر ويبقا انتوا خدوه من مصر كمان فكوكب تحيا مصر رئيس الوزراء من شرم الشيخ طلع وقال اننا بنستهدف يكون عندنا ٣٠ مليون سائح مع العلم ان اكتر عدد سياح وصل مصر فى تاريخها هو ١١ مليون سائح كمان فى كوكب تحيا مصر
التعليقات مغلقة.