أي دولة في العالم معاها فلوس تقدر تجيب سلاح مثال “السعودية والإمارات”
معاهم فلوس يشتروا قد إلي عند امريكا بس هل يقدروا يشغلوه!!
الفكره فـي التشغيل..
يعني مثلا عندك دويله قطر إشترت طيارات رافال من فرنسا بس معرفتش تشغلها مش معرفتش طيران لا دي كمان معرفتش تكودها على شبكة الدفاع الجوي الخاصه بيها علشان دفاعها الجوي امريكي والطيارات فرنسية فقررت تجيب أمريكان يكودوها!!
طيب يعني ايه تكويد !؟؟
التكويد دا (جاي من الكود) علشان دفاعك الجوي يميزها إذا كانت طائره صديقه ميضربهاش.. فهمت!!
طيب تعالي بقى لمصر ونشرح يعني ايه القدره على تشغيل اي نوع سلاح في العالم
“شرقي او غربي”
اي دولة فـي العالم سلاحها اما شرقي او غربي شرقي يعني روسي او صيني
او م الدول اللي حواليهم وغربي يعني اوروبا وامريكا
السعودية والإمارات ودول الخليج سلاحهم غربي
الجزائر والسودان وأغلب دول أفريقيا شرقي
طيب فين المشكلة!!؟؟
المشكلة لما دولة يكون سلاحها غربي وتدخل عليه شرقي او العكس يعني
مثلا السعودية لو اشترت طيارات روسي هتلف حوالين نفسها هتلاقي صعوبات كبيرة
ف توليف دا على داغير الصيانة خبراتهم في الصيانة غربية الورش كمان غربية
لو اشترت دفاع جوي روسي جنب الامريكي هتقابل مصايب ف تشغيل دا جنب دا بنظام واحد ومش بعيد توقع طياراتها بالغلط
وكذلك الدبابات والقطع البحرية.
طيب مصر ظروفها ايه؟
لك ان تعلم وتفخر ان شبكات الدفاع الجوي المصرية من اعقد شبكات الدفاع ف العالم مشغلة “امريكي وروسي وصيني وايطالي وألماني ومصري” وقادرة تشغلهم كلهم بنظام واحد وهي اللي بتكود وتشفر شبكاتها ودي بالمناسبة حاجه صعبه جدا
الرئيس السيسي بقى عمل كوكتيل مرعب من جنسيات كتير صعب يتكون في اي جيش في العالم لا لشئ إلا لعدم قدرة اي دولة على إستيعاب كل المدارس دي ف جيش واحد
من ضمن بقى مقاييس قوة الجيوش حول العالم “هو قدرتك واستيعابك لتشغيل انواع مختلفة بكفاءة وانسجام تام مع بعض والاسلحة تتناغم مع بعضها”
يعني مثلا مصر مشغله في قواتها الجويه “روسي وامريكي وفرنسي”
حتى التقارير الغربية اللي اتكلمت عن صفقة الطيارات التايفون الاوروبية اللي احتمال مصر تتممها استغربت جدا وتسائلت ازاي مصر هتشغل كل جنسيات الطيارات دي مع بعضها وقالت دا ضغط شديد على قدرات اي جيش
الخلاصة في القدرة على التشغيل..مش مجرد انك معاك فلوس فبتشتري سلاح من أي دوله في العالم وخلاص..جيش مصر بقي متفرد ف النقطة دي ف العالم كله ومفيش دولة ف العالم عندها جيش زيه جيش مصرجيشنا حاجة كبيره وعظيمه ومداعه الفخر والعزه والشموخ..
مؤسسة تحيا مصر الإعلامية: نظرة عامة
مؤسسة تحيا مصر الإعلامية هي كيان إعلامي مصري تأسس بهدف دعم الرؤية الوطنية وتسليط الضوء على الإنجازات التي تحققها مصر في مختلف المجالات. تسعى المؤسسة إلى تقديم محتوى إعلامي إيجابي وموضوعي، يهدف إلى:
نشر الوعي: رفع مستوى الوعي لدى المواطنين بالقضايا الوطنية والمجتمعية.
دعم التنمية: تسليط الضوء على مشاريع التنمية الجارية في مصر، وإبراز دور الدولة والمجتمع المدني في هذا الصدد.
تعزيز الهوية الوطنية: تعزيز الانتماء الوطني لدى المواطنين، وتقديم صورة إيجابية عن مصر في الخارج.
أهداف المؤسسة الأساسية تشمل:
إنتاج محتوى إعلامي متنوع، يشمل الأخبار والبرامج التلفزيونية والراديو، والمقالات والتقارير الصحفية.
تغطية الأحداث المحلية والإقليمية ذات الاهتمام العام.
تنظيم المؤتمرات والندوات والحلقات النقاشية حول القضايا المعاصرة.
التعاون مع المؤسسات الإعلامية الأخرى داخل مصر وخارجها.
التعليقات مغلقة.