شريف رستم يكشف : سِرّ عظمة مصر { حيّ علىَ الكفاح .. حيَّ علىَ السلاح } !!

سلاحنا – فلاّح – بفاس يحضُن في خلايا الأرض – يزرع خير

سلاحنا – عامِل – في مصنع بينتج لينا ويصَدّر – كمان – للغير

سلاحنا – جندي – جيش وشُرطة – بيقدّموا أرواح – عقيدتهم حماية شعب – سُنّه وفرض

سلاحنا – دين – بيجسِّد الأخلاق .. ويزرع في قلوبنا .. لكل سوء .. ترياق

سلاحنا – قضاء ناجز – واقف وجالِس – رادع للفساد والمحسوبيّه والانقياد وترويع العباد

سلاحنا – صوت الشعب – في انتخابات – بوعي وبإدراك بمين يقدر يمثّلنا ويحافظ علىَ استقرار وأمن البلاد

سلاحنا – فن – قوّه ناعمة – فيها استنهاض الهِمَم – وتوثّيق دفاع عن عِرض

سلاحنا – إعلام – بينقل صورة وطن – بكُلّ اللغات عن حكاية ناس بتعشق أرض

سلاحنا – رياضه – ترفع علم البلد .. تحقّق الأمجاد .. ونكون لها أسياد

سلاحنا – اصطفاف الشعب – رغم الصعب قادر يحتمِل – يدفع ضريبة حِلم بنحقّقُه لأجيال – وجروحنا – تاني – هاتندمل

سلاحنا .. طيّار – مدرِّس – طبيب – مُحاسب – ممرِّض – مُدَرِّب – مهندس – رسّام – صيدلي – قبطان …

سلاحنا .. عامِل نظافه – سمكري – نقّاش – نجّار – سائق – كمساري – جزّار – ساعي بريد – فرّان …

سلاحنا .. بقّال – حارس – نسّاج – إطفائي – عتّال – ترزي – حلاّق – منجِّد – حدّاد – مسّاح …

سلاحنا .. شعب في كُل المِهَن .. جُندي فى ميدان – بتشِمّْ فيه ريحة عرق طيّب شذاه فوّاح

سلاحنا – كُلّ مصري – ياكُل لُقمتُه بحلال – ولا عٌمرُه نخّ ومال .. في أيّْ أرض بيشتغل .. بدون كلل .. أو ملل

سلاحنا – صبر وعزيمه – علىَ مسيره هاتكتمل

سلاحنا .. ثورة تكنولوجيا وعِلم .. وإتقان في العمَل

سلاحنا .. عِزّو نَفْس وقناعَه .. وابتسامة رضا وطاقة أمل

سلاحنا – يقين – بنصر لاح – وبدر لازم يكتمِل

سلاحنا – مفيش حِداد – علىَ حدّ مات علشان .. نعيش

شعب مصر.. شُعله قايده .. ما تنطفيش

عفواً .. مفيش في مصر .. شعب وجيش

لمّا تندَه لينا مصر تلاقي شعب – كُلُّه جيش

سلاحنا – عبد الفتّاح – مدّاح في عظمة شعب قال :

{ ماحَدِّش يقدر يغلِب شعب }

 نصر أو شهاده .. بس راسنا ما تنحنيش

سلاحنا – لنصر مصر – لمّا المُشير عظّم لمصر وشعب مصر

سِرّ عظمة مصر في صُنْع التاريخ ..  في كلمتين :

فيهُم تجلّي .. في الرياده والنجاح

.. حيَّ علىَ الكفاح

.. حيّ علىَ السلاح

***

شريف رستم