أحمد حمدي
قال صبري صدومة، المهندس الذى اثار جدلا على مواقع التواصل الاجتماعي بالقاءه الأموال من شرفة المنزل، وذكل عبر مقطع فيديو تداوله عدد من رواد المواقع المختلفة، أن وسائل الإعلام سعت لتضخيم الموقف العفوي .
وتابع، خلال مداخلة هاتفية مع برنامج”صورة مع علا” المذاع على شاشة “النهار” وتقدمه الإعلامية علا شوشة:”عمل الإعلام من الحبة قبة الأمور بسيطة ومفيش مشاكل يعني، أنا حبيت تحت البيت تبقى العملية منظمة، أقف وهما يقفوا صف وأنا اعدي عليهم، يبقوا واقفين بكرامة، واللي ياخد حاجة ياخدها ويمشي والأمور تبقى منظمة ومرتبة،اتكاتروا عليا فطلعت فوق البيت ببص لقيت العدد زاد، فقلت من الله وإلى الله وما رميت إذ رميت ولكن الله رمى، رزقكم في السماء وما توعدون، يرزق من يشاء بغير حساب، ورحت رامي الفلوس”.
واستطرد قائلا:”اللى عملته من البلكونة جزء من 10 حاجات بعملها، بعدي على جمعيات خيرية ومستشفيات، ورميت الفلوس كتير لكن لم تعرف، هى المرة دي بس اللي اتعرفت، أنا عملتها قبل ما تتعرف كتير،هحدف تاني وبعد مرة أو اتنين هيبقى بلاش، لأن ده مبلغ مرصود أنا مجهزه، أوعدك هتبقى مرة واحدة كمان هتتعمل وخلاص”.
الحلقة كاملة :
https://www.facebook.com/watch/?ref=external&v=143321264217337
التعليقات مغلقة.