بقلم : نعيمه النطاح.
جت خطمتى من شارع المنشيه
اذكرت فيها ايام ليها وليا
ذكرت قعدة جدى
حدا الليم والمشماش جنب الهندى
وجداول الياسمين كيف ادندى
جابت معاها الشوق وقت عشيه
وحناى جنبه مسدياته جردى
وطريزة البدله الزلالية
يا محلاها
سانية جدى والشجر غطاها
وجدولة المسقية يامبهاها
عراجين بجريداتها محميه
ايام عز عشناها وماننساها
نفوس عايشه بالصح والبيتية
الفل والتفاح
تمشي الزينه ومشيها مرتاح
نزل الغطاء هرهر شعرها ماح
زرق ضى خد السمح بان عليا
ومضحك بشفايف رقاق سماح
وانظار بانت مكحله عسليه
ياخاطري في مرة
ميعاد ريم مشبهة ع القمره
سلبت عقيلى حيراته فامره
وساولتها بالله ردى عليا
كان راد ربي تجى لامى كنه
فى دار بالكله والحيطيه
في دارنا وسدتنا
لوطا الخزانه داسه حاجتنا
للّأ و كنة تساعدى اميمتنا
وصندوق فيه بديلتك يابيه
نديرو عويله صاينه عادتنا
نعيشو محبتنا بود ونيه
واليوم شفتك مايحة سوانينا
شن صار لاعرفناك لاعرفتينا
كسرخاطري والدمع مستنينا
قداش درقته وبان عليا
تعاود شريط العمر من ماضينا
ليام ود الود والحنيه
جت خطمتى من شارع المنشيه
اذكرت فيها ايام ليها وليا
التعليقات مغلقة.