بقلم الشاعرة / نجلاء نبيل
_________________
حروفي بتغني …… وترقص
على الجمال …… المصراوي
وتنادي للدنيا ……… بحالها
تشفي جراحنا …… وتداوي
أمانة ياولدها …… ماتقسوا
عليها ولا لحظة …… تناموا
دا المصري بأصلته … بيزرع
قلوب حنان … فوق أغصانه
لو مرة يوم ……… زعل منها
يرجع يخدها …. في احضانه
لإنها ……………. هي حياتنا
والكل فيها ………… بيداروا
من برد طوبة .. وريح أمشير
وحر بؤونة …………. الكاوي
دي مصرنا ……… سر حياتنا
تهدي طريقنا ……. وتساوي
واحكي ياربابة ……. وقولي
على الرجولة … المصراوي
وزلزلي ………. سمع الاعداء
بأجمل وأروع …….. حكاوي
إحكي عن سينا …… الحرة
تلال .. وشاطئ .. وغناوي
واعزفي …… لحن الاخلاص
لمليكات بلدنا ……. ورجالي
* * * * * * *
الف مليون مباااااااارك لمصر ولـ110 مليون مصري
مصر أم الدنيا و أكبر من كل الدنيا فجيشها شعب وشعبها جيش منذ قديم الأزل ولقيام الساعة
التعليقات مغلقة.