بـقـولـك ايه يا حَـبِيبْتِى
هأزْعَل منِّـك لو غِـيـبْتِى
هى مَرة وكانت مُرة
زَعلنا كان اخـر مَرة
غيابِك عنى فوق طَاقْتِى
كل الحبايب ممكن تزْعَـل
من بعضها أوقات بيحصل
سـؤ تفـاهـم حَبة و يرحل
و نرجع نصفا و بنسامح
ساعة شيطان و راح لحاله
ماحدش فينـا يبقـا فى باله
ماحدش فينا فى مرة جاله
قلب يقسـا و يبقـا جارح
و أوقـات الزَعَـل بِيعرفنا
مقامنا عند اللى حَـابِـبْنَا
لما بينسـا و بيسَـامِـحنَـا
عشان مابينا حُب كبير
و أخر مرة نِزَعَل بعض
أنـا بَهديلك بَـاقِـةْ وَرد
و بُوسة عَالإيد و الخَد
و تستاهلى أكتر بكتير
