الزمن …كلمات _ جمعة محى الدين
قَالوا الزمن غَدار
قُولت بتظلموه ليه
الزمن ماله و مالنا
يا ناس جرالنا أيه
الزمن بخير و إحنا
بِعملنا إفْترينا عليه
يبقا العيب على مين
بسألكم يا بنأدمين
و جاوْبُونى بِصراحة
والله من قسوة قلوبنا
عيونا مش شايفة عُيوبنا
و إزاى هانلاقى راحة
الزمن و الدنيا
هما شماعة عيوبنا
بنفتِرى عالزمن
و إحنا مالينا زُنوبنا
و إزاى مُمّْكِن نِرتاح
و سَواد مالى قلوبنا
التعليقات مغلقة.