أبو العيال و المروحة … بقلم مها عامر
أم العيال: شوفت اللي حصل يا أبو العيال !!
أبو العيال: خير يا أم العيال إيه اللي حصل؟!
أم العيال: مروحه السقف بتاعت المطبخ باظت مره واحده
أبو العيال: لأ لأ لا باظت ولا حاجه يمكن بس من الزيت هنضفها وهتشتغل
أم العيال: لأ يا أبو العيال دي عملتي صوت جامد وقالت طق
أبو العيال: قالت طق دا انا اللي هطق
أم العيال: أعملوا حسابكم مفيش طبيخ ولا غسيل ولا نشير طول ما المروحه بايظه
أبو العيال: والعيال الأبرياء دول ذنبهم إيه؟
أم العيال: وأنا ذبني إيه؟!
أبو العيال: بسيطه محلوله
أم العيال: ازاي!!
أبو العيال: بكره تونه مثلاً
أم العيال: وبعده
أبو العيال: فطير مشلتت من برا
أم العيال: وبعده
أبو العيال: فسيخ
أم العيال: وبعده
أبو العيال: يروحوا لجدتهم نفسها تشوفهم
