أم العيال: تعالى يا أبو العيال بسرعه شوف العيال الاتنين تعبانين واخدين برد
أبو العيال: كل الناس واخده الدور ده يا أم العيال متقلقيش اعملي سوايل واعملي شوربه خضار ليه من زمان معملتهاش ؟!
أم العيال: والله كنت نسياها
أبو العيال: خلاص أنا نفسي فيها واجبلك فرخه بلدي كمان
أم العيال: هما مش بيحبوا الا الفراخ المشويه
أبو العيال: خلاص لما يخفوا اجيب
أم العيال: هات ليمون
أبو العيال: الليمون بقى بخمسين جنيه مش عارف ليه
أم العيال: عشان هما عارفين اننا مش هنقدر نستغنى عنه فى أيام البرد دي
أبو العيال: ايوه فعلا
أم العيال: خد يا أبو العيال الروشته دي وهات العلاج
أبو العيال: انا لفيت على كل الصيدليات ده بالذات مش موجود ولا حتى البديل
أم العيال: طيب وبعدين
أبو العيال: اكيد لسه فى هنا علاج موجود هنا ولا هنا احنا عمرنا جبنا علاج والعيال خلصوه للآخر
أم العيال: لما اقوم ادور ويارب الاقي
أبو العيال: هتلاقي ان شاء الله
هو مفيش عشا يا أم العيال
أم العيال: هو انا هدور على العلاج ولا اعمل عشا تدور انت
أبو العيال: لأ انا مش بعرف ادور
أم العيال: خلاص سبني ادور انا اصلا مش قادره والدنيا ساقعه وهقوم غصب عني من تحت البطانية
أبو العيال: اعملك سندوتش جبنه ومعاه شاي بالبن
أم العيال: بجد
أبو العيال: اه والله بجد
أم العيال: لأ اقعد انت ارتاح انت جاي من المشوار وانا هعملك
أبو العيال: انا جبت سندوتشات وانا جاي
العيال: سندوتشات ايه يا بابا
يا ترى ابو العيال جاب سندوتشات ايه؟!!
