أبو العيال و الاجازه بقلم مها عامر
أم العيال: بقولك يا أبو العيال العيال خلصت امتحانات وعايزين نروح يومين نغير جو ايه رأيك؟!!
أبو العيال: طبعا يا أم العيال الواحد محتاج يغير جو انا كنت ناوي بس للأسف خلاص لوس انجلوس اتحرقت
أم العيال: انا مش بهزر يا أبو العيال
أبو العيال: هنروح فين يا أم العيال
أم العيال: نروح رحله ونقعد فى فندق
أبو العيال: خدي العيال و روحوا لأمي اقعدوا معاها يومين
أم العيال: طيب وانت ؟!!
أبو العيال: لأ أنا هقعد هنا لوحدي اريح اعصابي
أم العيال: لأ ده انا اللي محتاجه اريح اعصابي بقى من دوشه الامتحانات والصحيان والقلق طول فتره الإمتحان
أبو العيال: اوعدكم نروح فى الاجازه
أم العيال: ان شاء الله ربنا يعطينا ويعطيك طوله العمر
