يوميات زوج مشنوق بقلم / ولاء زاويه

يوميات زوج مشنوق
بقلم / ولاء زاويه

و قضينا ساعات بره البيت
بين شغل وهري ومتاهات.. 
و رجِعنا  و رَجّعنا شريط
محفوظه عليه اليوميات ..
و عليا هبدت و حطيت
مش قادر تسمع تفاهات !!..
وجريت مالبرد اتغطيت
وفي اوضتك ريحت ساعات.. 
وجريت وفبيتي روحت و جيت
و ما غفلت عيني للحظات..
من نومك قمت اتغديت 
اشي حادق و اشي حلويات..
و مأنتخ.. و أبقى استغبيت
لو قلت نفَتّح نقاشات..
و لوقت الراحة انا عديت
و قعدنا لنكتة و قفشات..
طاب حالي و حال اهل البيت!!
دي مشاكل أولاد و بنات..
اسمع بقي مني انا مليت 
امتي حنقول الحوارات !!..
بالهنا والشفا اتعشيت !!
طاب ححكي بسرعه اختصارات..
و اخيرا فضفضت حكيت
و رويت من كل العبارات ..
و ببص لوشه اتخضيت
كان نايم في تبات ونبات ..
من قلبي انا حسبنت دعيت
ده حبيبي لكن هيهات ..
وهبدت عليه انا و حطيت
وسقيته من المر كاسات…