يا بحر يا ابو البحور
بقيت اخاف منك كأنه يوم الطهور
ليه كل الناس بتحبك وانا مش زيهم مسرور
الكل يجري عليك بفرحة وانا بتمني ابعد واغور
يجوا طالبين حضنك مع انهم قالوا انك مغرور
مش اي حد يغلب موجك حتى لو أسد جسور
أخاف من غموضك ووسعك وببعد حتى عن الجسور
دايما قلقان منك وكأنك قابض الأرواح وكلك شرور
ليه يا بحر كده دايما غدار وقالوا عنك انك مسحور
حتى القرآن اتكلم عنك ووصفك انك مسجور
قولي بقي لو سمحت ليه احبك؟ وانت جواك كل الشرور
حتى الدجال له جزيرة عندك ومثلثات كلها تخطف الطيور
يابحر حتى لو كنت هادي جواك نار ولا سيف مسرور
حتى في زمنا بقيت غالي والمتعة جنبك نحوش لها بالشهور
يابحر انت مش طيب جواك غدر هيظل دهور
قولي بقي ليه حابينك ويبنوا جنبك دايما قصور
عارف عمرك ما تجاوبيني بس انا كمان منك غيور
الناس رغم غدرك يطلبوك و انا رغم حبي ممنوع من المرور
