مِن شريف رستم لحبيبة الروح : قوليلي مين يقدر عليكي – واحنا لسّه – فينا روح !!

يا دُرّه بين كُل البلاد .. إنتي من قبل الميلاد

أقدم حضاره في التاريخ .. أمّنك .. ربّ العباد

لسّه واقفه ..ولسّه فيكي .. ناس بتبني .. وناس تروح

قوليلي مين يقدر عليكي .. واحنا لسّه .. فينا روح

***

فيكي نعمه .. لكل كائن .. وانتي في القرأن خزائن

فيكي أمن .. وفيكي خير .. واللي ينكر .. يبقىَ خائن

لسّه واقفه ..ولسّه فيكي .. ناس بتبني .. وناس تروح

قوليلي مين يقدر عليكي .. واحنا لسّه .. فينا روح

***

كل أرضك ذات سياده .. كل شعبك ليكي جيش

وانتي عنوان – الرياده – ليكي عاده ماتنتهيش

لسّه واقفه ..ولسّه فيكي .. ناس بتبني .. وناس تروح

قوليلي مين يقدر عليكي .. واحنا لسّه .. فينا روح

***

الشاعر / شريف رستم