السند هو الله وبس ما فيش حد تاني
اللي يقولك أنا سندك كداب
أوعا تتوهم بجد أن حد سندك وأمانك وتعتمد
عليه
حتي الأهل مش سند
أوقات كتير بيكون الاب في الحياة ما لهوش
اي لأزمة غير أنه أب في شهادة الميلاد فقط
وأوقات كتير الام ام وبس في شهادة الميلاد
ليس أكثر
والاخ اللي من دمك مش سندك ولا أمانك
ولا ضهرك
والأخت بالأسم أخت في بعض الأحيان كلامي
طبعا لا ينطبق علي كل الناس مش
كل الأخوات طبعا أوقات كتير أخت تكره أختها
بسبب زوج
نرجسي ناقص فارغ من جواه هي لو اخت
فعلا متربية مش هتسمع كلام زوجها في الغلط
(لا طاعة لمخلوق في معصية الخالق )
لما الأهل تبقي أهل بالاسم بس والمستندات
الرسمية دي مصيبه في حد ذاتها
فين صلة الرحم فين المودة فين الرحمة
فين النخوة فين الرجولة
لما أب يقدر ينام من غير ما يعرف بنته فين
أو أبنه فين يبقي دا أب أزاي
عليه العوض في كل حاجة حلوة زمان وراحت
زمن العيلة واللمة زمن الأسرة بجد
الأب اللي هو السند والأمان والأمن والأمان
دلوقتي بقي بس بيكمل الاسم في شهادة
الميلاد
ليه وصلنا لكدا ليه بقينا كدا
فين العيلة واللمة فين الأهل والعشرة
الأهل اللي المفروض يوميا يسألوا علي بعض
ويطمنوا علي بعض
الأب اللي عينه ما تغمضش غير لما يعرف بنته
او أبنه فين وبيعملوا ايه دا الاب بجد
الام اللي ما تعرفش تأكل لقمة من غير. عيالها
وتتطمن عليهم كلهم وما تفرقش بينهم
وتعاملهم
سواسية علشان ربنا اللي قال كدا منع التفرقة
بين الاخوات
الاخ اللي يبيع أخته علشان مراته اللي عايزاه
لنفسها وبس ولمصحلتها الشخصية ولا يعرف
أهله ولا أخواته
دي بني أدمة أزاي دي أنسانة مجردة من كل
حاجة لكن لحد مصلحتها وعيالها هي حلو ليها
هي كل حاجة ليها حلوة خلته شخص أناني
بيحب نفسه كداب مش بيراعي ربنا في أهله
وهو علشان يسمع كلامها يبقي راجل ازاي
الزوجة تتعوض أما الأخت ما تتعوضش
والأب اللي بيخلف ويطلق وينسي ولاده
أنت أب أزاي بقي وبتتكلم عن ربنا أزاي يا شيخ
وبتصلي وتشير بوستات دينيه ودي مش
عجباك ودي غلط ودي مش محجبة
سيب بقي الكلام دا علي جنب
وأيه رأيكوا في اللي يفاصل في نفقة ولاده
أكلهم وشربهم دا يبقي راجل!!!! يبقي اب!!!!
ازاي
بتخلفوا ليه جتكوا نيلة
ويفاصل في النفقة قال ليه علشان متجوز
ومخلف طيب هو حد قالك أتجوز وخلف
وانسي عيالك التانيين وأظلمهم
والمفروض بقي الست اللي أطلقت دي هي اللي
تنزل تتعب وتشقي علشان ولادها مش كدا ولا
أيه
ولو رمتهم لأبوهم يتقال عليها غلطانة وما
عندهاش قلب ولا ام أصلا
طيب ما حد يحط نفسه مكان الام دي
كل واحد أدري بظروفه
لو في قانون يعاقب الأب اللي يرمي ولاده
ويظلمهم
والام اللي ترمي ولادها وتهدم بيتها وأسرتها
علشان شهواتها وملذتها
والاخ الديوس اللي يسيب اخته بالسنيين
ما يسألش عليها هي عايشة أزاي ومن نين
عيشة
والأب اللي بيسمع عن بنته بالصدفة
والأخت اللي باعت أختها علشان جوزها
اللي في يوم من الايام أكيد هيبعها
هل الزوج دا اللي فرق بين الاختين يقدر
يخلي زوجته دي اللي فرقها من أختها ما
تكلمش اخواته البنات طبعا لا
لكن هي طبعا ولا فاهمة حاجه ماشية وراه
وخلاص
دنيا غريبة وبشر أغرب وأيام بقت أغرب من
الغرابة
عايزة أقولكو الدنيا بقت ماشية بالعكس
الست الشمال تحترم والست المحترمة
بيتقل منها
والست اللي خانت جوزها أهلها يقفوا في صفها
والست اللي ماشية علي الصراط وبتخاف ربنا
حياتها غريبة
واهلها بينتقضوها
لو كل واحد يراجع نفسه هو صح ولا لا
يحاسب نفسه هو صح ولا لا
بس في يوم هتترد فيه المظالم ابيض علي كل مظلوم وأسود علي كل ظالم
وأستني يومك يا ظالم أنت وهي
ووريني مين هينفعك
مجرد مقال من واقع حياة يومية بشوفها
وبسمعها وبقرأ عن مشاكل من دي كل يوم
ربنا يرحمنا برحمته ويعفو عننا ويطهر نفوسنا
التعليقات مغلقة.