الحقيقه انا بشوف ان الوجع ده له فايده كبيره ، وان وجعك مش عقاب من ربنا ليك بالعكس يمكن ربنا بيقويك .. انت لو بعدت عن حبيبك عشان وجعك مره او اتنين هيجي عليك وقت تحن له وتلتمس له اعذار ويوحشك وترجعله تاني وتتوجع تاني وتالت والقصه مش هتنتهي ، انما لما تتوجع الف وجع وتتخذل الف مره هتبعد من غير اي ذره ندم ، هتبعد وعمرك ما حتحن تاني ، حتبعد وانت عارف ان ده الصح وانه ميستاهلش حبك وقلبك ، حتبعد وانت واقف على رجلك ومش مكسور ..
ماتستعجلش انك تمشي وتنهي العلاقه دي ، ومتزعلش لما تلاقي نفسك مش عارف تبعد رغم ان جواك وجع ، خليك في العلاقه الموُجعه دي وسيبه يوجعك اكتر فيقويك عليه اكتر ، سيبه يقتل باهماله ومعاملته القاسيه كل مشاعر حلوه جواك له ، سيبه يساعدك عشان تخرجه من قلبك وتنساه وتبطل تحبه
التعليقات مغلقة.