غَدْر الحبيب .. كلمات جمعه محي الدين
يا حُزنى يا هَمى
يا جرحى يا ألَمى
هأوْصِف بِ قلمى
عن غدر الحبيب
اللي بَاع و سَاب
و إختار الغِيَاب
مايستاهلشِ عِتَاب
و مابقاش قَرِيب
أصل الكِدب
بِيلْغِي مِ القلب الإخلاص
يمُوت الحُب
لما يرُوح مننا الإحساس
الجرح صعب
لما يبقا من أقرب الناس
بَعذِف على أَوْتَـارى
على عُودِى أشْعَارى
و فى قلبى نَـارى
جَرْح مش بيطِيب
أغَنِي و أنا بَبْكِي
أخَبِي ولا أشْكِي
ألَاقِيني بَـأحكِي
دة الصَبْر صَعِيب.
