غنوة حنان .. للشاعرة أمال يوسف
انا كنت
فوق الورد
عاشقة النور
وفراشة كات بتحوم
تسقينى فرح اليوم
وتجدد القطرات
فى الفجر
تسقى الروح
حين مانتشى منها
تفرد جناحها
نروح
تخطف شعور الشمس
ونطل فى المرايات
فنوزع ابتسامات
ونداوى اى جروح
الدرس كان
مشروح
والأرض كات عشقاة
وعشقنا ارض النور
وكتبنا كانت نور
نقراها تكتبنا
نحكيها فى الحواديت
كانت عيون الخلق
تعشق ملامحنا
واحنا سنين
بندورة
والأرض كروية
لفت وجفنى
نام
وصحيت على مولد
مولد ياخلق اللة
وعيال كتير….
مراجيح
وانا عشقى المراجيح
مجرى العروق
فى الدم
تاهت فى أرض اللة
منى الخطى
والأرض
وقفت ومش دايره
والعيلة تائهة
عدى النهار مجنون
يسال على طيفها
غرقت فى جوف
الليل
وعرفها شبك الليل
باعها فى أرض
الويل
والحر قاتل موت
والعيلة تايهة…..
عطشانة حب سنين
واتفرقوا المساكين
الام كات
بتلم
واللمة كانت نور
والأرض كانت نور
والعيلة تائهة
والأرض مش بتدور
التعليقات مغلقة.