صهيونجي وشاهيونجي اتباركو
واتلم عليهم بهلول
وطالبنجي وداعشنجي اتعاركو
فمطار دولتكم يا كابول
وتركيكي وامريكي اتشاركو
فحماية هذا المعزول
والشاهد فجمال حظرتكم
ان احنا بنسمع ونقول
ونثاقب فعيون نظرتكم
جايبين اخريتكم علطول ..
ونوشوفكم من غير ما تشوفو
وبنصور سحنة اهاليكم
وبنسيطر واكيد هتشوفو
بنتشقلب فيكم وعليكم
ياصوابع فالليل متشافه
يابوعمه وتحتيها كنافه
متغفسن او كونت فيافا
صدقني جنابك دلدول
بتتفذ شغل الدجال
وبتسمع تعمل مذهول
وبتكمل طبعا شغال
بتجاهد فسبيل الدين
ودماغك محشيا بطين
ولا فاهم ولا عارف شيء
وبتقبض من ايد صهيوني
وكلامك بينقط قيء
وسلاحك من ايد شاهيوني
وقنابل فمطار بتقجر
وتشقلب نفسك فجبال
ومخك زلطايا محجر
ولاسلكي فجيبك جوال
تتلقي اوامر من سيدك
وتنفذ من غير ما تفكر
وتعلي الرايه اللي فأيدك
وبتقبض وتقول متشكر
وصهيونجي وشاهيونجي اتباركو
واتلم عليهم بهلول
وطالبنجي وداعشنجي اتعاركو
فمطار دولتكم يا كابول
وامريكي وتركيكي اتشاركو
فحماية هذا المعزول
والشاهد فجمال حظرتكم
ان احنا بنسمع ونقول
وتثاقب فعيون نظرتكم
جايبين اخرتكم علطول
ونشوفكم من غير ما تشوفو
ونصور سحنة اهاليكم
وبنسيطر واكيد هتشوفو
بنشقلب فيكم وعليكم
الشاعر ايمن طه
التعليقات مغلقة.