ضَغَطِى علَيَا و على أعصابى
وأنا اللى عَامْلِك أَغْلَىٰ أحبابى
و رَغْم حُبِى و طِيبِةْ قلبى
ما طَمرشِ و بتزِيدى عذابى
الحُب عَندك أرضِي عِندك
و أعمل كل اللى على هواكى
طَبْ هو يَعنى ايه يمْنَعنِى
أخَلِى قلبى يِبَطل يِهْوَاكى
حُبك لنفسِك و الأنانية
فين قلبِك و وعودِك ليا
رابْطَة كل حاجة بِسعادتِك
و جَزاةْ قلبى منِك قساوتِك
وعايزانى أفْضل لامش هأفضل
أقَدِم حُب يِرْجَعلى أذِيَة
كِفَاية خَلاص أنا إسْتَكْفيت
مات حُبِك و منه إنتَهيت
إنسِي زَمان و مافيش أمان
لِحَد باعنِى لما إشتَريت
و هأتحَمِل نتيجِةْ قَرارى
حُبى ليكى و سُؤ إختيارى
هَفَارِقْ و مابقاش فَارِق
و لو البُعد فيه إنهيارى
