بقلم مها عامر
أم العيال: أبو العيال فين العيال ؟
أبو العيال: مالك يا أم العيال سلامه نظرك ما العيال موجودين اهم
أم العيال: موجودين فين بس يا أبو العيال وكل واحد ف موبايله وحاطط سماعه فى ودانه
أبو العيال: هنعمل ايه دي سمه العصر وبعدين يوم الجمعه لما قولنالهم نقعد مع بعض انتى فاكره عملوا ايه
أم العيال: اه فاكره طبعا ناموا طول النهار
أبو العيال: العيال يا أم العيال مش عايزه تقعد معانا بقينا دقه قديمه
أم العيال: ابن حلال فكرتني بالجبنه القديمه
أبو العيال: مش الدكتور قالك بلاش حوادق ولا مخلل عشان عندك الضغط
أم العيال: عايزين حله ضغط
أبو العيال: حرام عليكي كفايه بقى ضغط !!
