الليل فى حضن الجبل
متخبى فى العتمة..
وفى الجدران
كاتب حروفة كلها
تجاعيد…
ومكتف المواعيد…
ومضلم الشارع
وناصب ضلمة المشاوير
وانا قلبى بيخاف الدموع والشجن…ويخاف.
من الل بيتسجن جواك
صوتك .وحلمك.قوتك
اصل النفس لو خاف
هيشد حبل الموت
ويكسر قوتك
وانا بالأمل بحيا
وبالقوة الأبية
بغزل فرحة الايام
فاقتل وساوس ضلمتك
قوم شد حيلك
وانفض الرعشة اللفيك
لهتقتلك
افرد جناح النور
على الايام
شد الشموس
من عتمة الليل
واكسر الخوف المخيم
ع الجبال
النور يحاوطك
لو تطارد دمعتك
لو يكسرك حزنك
غبى .
ازعق وشدك
من وساوس تقتلك
وانهض
يمدك حلمك المفرود.
على جبل الامان
تطرح غناوى النور
معاك الوان
يصبح ربيع العمر
لك بستان
التعليقات مغلقة.