بقلم الشاعر وسفير ممثل الجمعيه العالميه لحقوق الإنسان والسلام موده لسوريا وعضو رابطة الصحافه القوميه د محمد سمير برادعي سوريا اللاذقية
كثر الفساد بها الايام صار الكل يشكي ومن القهر يبكي ماعاد حدا مبسوط ومرتاح.
كثرة الاستغلاليين
والمستعمرين الطامعين صار الشاطر يأخذ أملاك الغير ويجتاح.
ويسرق وينهب الخيرات ويعيش عحساب غيره بسرور وسعاده وارتياح.
وهيك نوعيه مابتخاف الله شردت الناس وهجرتهم وماحسبتلهم حساب البرد والرياح.
عترتهم وجوعتهم اطرو يعيشو بالخيم ومن بردهم كل يوم عبصيحو مئات الصياح.
وأكثر الناس صارت فقراء ماعبيشبعو الاكل وبشهوة اللحمه والموز و التفاح.
انتهى ايام العز والسعد والسرور وماعاد يرجع والماضي انتهى و راح.
الله يرحم زمن اجدادنا كان في محبة وتفاهم وبركه ماكانو يعرفو البغض كانو عايشين بانشراح.
حالياً الأكثريه عايش بحزن وهم وغم وقهر وقلة الابتهالات والأعراس والافراح.
صار كل واحد يمشي على رأيه ماعاد حدا استشار حدا وسمع النصائح والاقتراح.
ماعاد حدا يسأل عحدا ويتمنى الخير لحدا الكل مابهمه الا نفسه فقط ويلي مات أستراح.
الحياة صارت صعبه ومره كلها قسى ووجع ومستقبلنا صار ذل و الم و جراح.
كل يلي ساعدناهم ووقفنا جنبهم ماتشكرونا استغلو طيبتنا وطلعو سيئين ماطلعوا مناح.
و حكو علينا بالعاطل وذمونا وشرشحونا و حاربونا وسحبو علينا السلاح.
الناس صارت تستغل بعضها والأكثريه صارت تجار أزمه تغلي الأسعار خاصةً التاجر و الفلاح.
ماعاد حدا يهتم بالفقير ويسأل عنه أن مات اوعاش المهم يغنو و تزداد عندهم الارباح.
المشكله بهذا الزمن ماعاد حدا حلل و حرم كثر الكذب والنفاق وصار كل شي برأيهم مباح.
أكثرية الناس بسبب الفاسدين عايشه بقهر وذل نسوهم الضحك وحتى المزاح.
المهم هنن يعيشو وغيرهم يموتو وبحاربوك اذا وصلت لمرحلة التفوق و النجاح.
مابدهم حدا يتفوق عليهم وينجح بدهم الازمة تبقى مستمره ويسكرو عليك الباب ويأخدو المفتاح.
نسو بأن الله اكرم الأكرمين مابيقطع أحد من كرمه وهو الكريم و الرزاق والمعطي والفتاح.
التعليقات مغلقة.