التاريخ لا يكذب ولا ينسي !!!
كتب : محمد عبد العزيز:
أثارت تصريحات د. عبد العزيز غنيم رئيس الاتحاد المصري للملاكمة السابق حفيظة الملاكمين والمتابعين ومحبي لعبة الفن النبيل ومنهم الدكتور/ احمد عبدالخالق الذي نشر علي حسابه بالفيس بوك بعد ان أثار حفيظته الهجوم الغير مبرر ومحاولات الصيد في الماء العكر من رئيس الأتحاد السابق ناسيا كم المصائب والفساد الذي لم يحاسب عليه حتي الآن وتساءل معه المتابعين أصحاب الذاكره الحاضرة وقالوا له بالحرف الواحد؛
▪️ مقولتش ليه إن دم رامز “رحمة الله عليه” في رقبـتك انت والحكم .
▪️ مقولتش ليه إنك أجهضت كل حلم أولمبي بعد 2004 علشان لا يُنسب أي انجاز أوليمبي لمدرب المنتخب من بعدك.
▪️ مقولتش ليه إن نفس اللاعب إللي بتستشهد بيه دلوقتي كنت بتقول دا بيكسب بالحظ محدش يجيبلي سيرته.
▪️ مقولتش ليه إن إخفاق البطلة يمنى في الميزان كان ذنبك وذنب الجهلاء إللي حطيتهم في الجهاز الفني.
▪️ مقولتش ليه إنك واحد من إللي وقعوا على قرار الوزير السابق بإن ميسافرش إلا اللاعب المصنف فقط. يعني انت من أهم أسباب القرار بعد ثبوت مبدأ( الخيار والفقوس)
▪️ مقولتش ليه إن كل جنيه كان بيطلع للاعبين أو المدربين أو مكافآت أو لجان موهوبين كنت بتشاركهم فيه “وأنا شاهد على ده” وعندي شهود بالعشرات بل بالمئات . والجميع ضحايا هذا المبدأ من يومك من يوم ما كنت في الترسانه.
▪️ مقولتش ليه إن الفترة إللي قعدتها في الاتحاد كان عدد الجمعية العمومية 18 نادي فقط طبعًا علشان تتحكم في نتيجة الانتخابات.
▪️ مقولتش ليه إنك طلبت من واحد يشهد (شهادة زور) ولما رفض كان عقابه ترك الاتحاد.
▪️ مقولتش ليه إن الهجوم الحالي على الاتحاد بتوجيهاتك من صبيانك ( الاقذر ) في تاريخ اللعبة ومفيش واحد منهم يقدر مينفذش.
ونضيف لك من الشعر بيت اخر وعندنا الف بيت وبيت ومنها إنك قمت بتهريب العديد من اللاعبين لامريكا بحجه انهم يشاركوا في معسكرات ودلوقتي اصبحوا سفراء الإدمان والاجرام هناك ..
ولا ننسى إنك صاحب السبق ودخول موسوعه جينيس في منح لاعبان في النهائي( ذهبيه ) لكل منهما من اجل عيون خال أحدهم صاحب مجموعه عقارية كبري اقلهم مدينتي ..
ده غير تسخير جيش من ( العبيد ) بمختلف الوانهم واشكالهم وتخصصاتهم ..منهم سائقين منهم لشؤون البط والوز والسمن الفلاحي وسمسار الاراضي ومخلصاتي واخر لشؤون الترفيه والله حليم ستار .
ده غير ال 15 مليون ميزانيه إعداد الاوليمبياد ولم تحقق ميدالية( صفيح) في باااااااريس.
وبالنسبة لأعضاء المجلس الموجودين الان في مجلس الإدارة إللي من قايمتك ..بلاش نتكلم عنهم دلوقتي فلكل حادثة حديث ووو….
علشان كده بنقولك .. إن لم تسـ ـتحي فافعل وقُل ما شئت….والتاريخ لا يرحم ولا ينسي ..!!
