إِبْتِسَامة
كلمات / جمعة محى الدين
إبتسامة على شفايفك
حبيبتى و أنا شايفك
بتنسينى الأحزان
و لما بتقربى ليا
و أما بتلمسى إيديا
أنا بنسا روحى كمان
سِحر و رِقة و دلال
حبيبتى فيكى خصال
مش موجودة فى غيرِك
من نظرة قلبى مال
خليتى حالى حال
ومابفكرش فى غيرك
كنت بحلم بيكى
أحلامى لقيتها فيكى
و أجمل حلم إتحقق
دة لما قابِلت عينيكى
و إيدى لمَست إيديكى
أنا ماكونتش مصدق
أحلىَ ما كان بالى
راسِمك فى خيالى
إنتى و الله أجمل
يا حبيبتى تعالى
حبيبى قولهالى
و فرحة قلبى تِكْمَل
أنا فى لحظة لقاكى
دة أنا بتوِلد وياكى
من أول و جديد
و أنا أيه لولاكى
أنا من غير هواكى
أبقا حزين و وحيد
التعليقات مغلقة.