إتخطَىٰ الخُوف _ بقلم جمعة محي الدين
إتخطى الخوف
مَتقُولّْش ظُروف
مَتألِّفش حرُوف
و تبرر لنفسك
الوقت قَصِير
مَتلومش الغير
و إعملك خير
تلحق به نفسك
و إياك تتنازِل
مع اللى يرازِل
بلاش تتخازِل
و قُول كلمة حق
بلاش تتساهل
فى شئ مش ساهل
مَحدش يستاهل
قُول للشَر لأ
و سِيِّب المُّتَكَبِر
أبداً ما بِيكْبر
مَوهُوم وِ صُغَيْر
و مُفْتَقِد الحِكمة
و عِّيش مُتواضع
لربنا خَاضع
القلب الخاشع
يتأثر بالكلمة.
التعليقات مغلقة.