أسلوب الحرافيش.

بقلم/ حازم قطب

أسلوب الحرافيش 30/6 بكل صراحة و اللي يزعل يزعل . السيسى عمل لينا ايه وهو يقدر يعمل ايه ومطلوب منه ايه تانى السيسى عمل لينا ايه وهو يقدر يعمل ايه؟ . احكلكم انا الحكاية كان ياما كان يا شعب يا غلبان ملك قاعد على عرشه مكنش بيحكم غير قصره وجنود احتلال عساكر انجليز ساعيين فى الأرض فساد، قام ظابط شاب شجاع ومعاه شبان شجعان عملوا حركة الظباط الأحرار عملوا انقلاب على الملك اللي مكنش جبان متحماش فى العساكر الانجليز وتنازل عن عرشه، و قام الشعب أيد الانقلاب وبقت ثورة . وشوية كدة… ومسك الظابط الهمام مقاليد الأحكام ودخل فى صراعات مع أصحاب النفوذ والإخوان وجنود الاحتلال وأمم قناة وبنى سد كمان و فضل فى صراعه مع الإخوان وأصحاب النفوذ كمان ، وقالك أبنى كيان و عمل علاقات أفريقية وعربية ودعم ثورات وكان ناوى يغير شكل الخريطة و كمان أنفق ثروات وحارب حروبات اشي عدوان ثلاثى وحرب يمن لغاية ما جات الصدمة واتنكسنا و اتوكسنا وخرج على الشعب يتنحى والشعب كان عنده وعي عشان كان عارف إن عمودنا الفقارى انكسر و فضل مكمل لغاية ما مات البطل، وجه صقر أسمر وانتصر وقالك أعيد أمجاد بلادي واحنا مش دولة شيوعية واحنا دولة رأس مالية و قال حرية حرية. كسر سجون و قالك أعيد علاقات مع الإخوان و أصحاب النفوذ كمان وعمل سياسة السداح مداح عشان الكل يرتاح وقال هاعمل إصلاح اقتصادي . نزل الشعب زي الطوفان، فخاف على شعبيته ورجع في القرارات و كان الرد المكتوب لا محال أن يضرب على المنصة يوم الانتصار و جه خلف ليه وقالك همشى على القرارات ومفيش تغييرات وهمشى على سيرة الأولين و هابعد عن الدعم عشان يبقوا مبسوطين و حبس إخوان وأصحاب نفوذ وقالك دول معانا مش مكملين ورجع طابا و قال الشعب وراه آمين فرجعوا له الاخوان وأصحاب النفوذ والمصالح علشان دول فى الفساد متأسسين و خلوا النص التانى من حكمه مذلة وطين واحنا معاه بالفعل منحدرين ومفتحناش بؤنا الا بكلمة آميين. غير دستور وخصخص شركات خدها أصحاب الفساد واحنا مساكين .ولغاية كدة احنا فاهمين ان احنا داخلين على طين . ومرة واحدة سمعنا عيش حرية عدالة اجتماعية و مليونية وثورة وهمية ووقع الحائط علينا وركبونا شوية دقون وآفاقين وحرامية وبعد كدة الإخوان دول مية مية ووصلوا للإتحادية والشعب هاج وماج وطلب اللي معاه الوصية (العمود الفقارى للبلد بهية). و أول مرة شفنا بحقيقة مليونية وجالنا بطل القصة دا هي قالك “مصر هبة النيل” وصاحبة حضارة من سنين وهى فى الأساس بلد الدين قالك ترجع لمجدها علشان يشهد عليا رب العباد أجمعين ويقولوا الناس جه من صلبها ومن طنها الحزين ولد غزل مجدها و رجع لها الضحكة من جديد وقالك هحارب ارهاب ومرهبين وفساد ومفسدين مش هيفضل في حكمي إخوان إرهابيين و قال مصر أم الدنيا وهتبقى أد الدنيا ومينفعشي إن ولادها مطحونين ، قالك إصلاح اقتصادي من جديد أبني مصانع و أزرع فدادين وأبنى مساكن للمحتاجين و أصحح أخطاء الماضيين و أسلح فى جيشك عشان نكون للحرب جاهزين نواجه أعدائنا من بره وجوه ومفيش تمام يا افندم ولا كله امين فى كلنا متماسكين فى الحرب على الفساد والارهابيين ومهما كانت الفاتورة مستحملين . وانا بقولك يا سيسى احنا معاك مكملين جنود مخلصين.