بقلم _ مها عامر
أبو العيال: انا مش عاجبني سهر هاني وهنيه كل يوم كده للفجر
أم العيال: والله وانا كمان يا أبو العيال طيب ما تقولهم انت هيسمعوا كلامك
أبو العيال: والله انا عامل بس على صحتهم وبعدين حتى لما بيسهروا مبيعملوش اى حاجه الاكل محطوط على السفره من غير ماهو متغطي
أم العيال: ما هما لما بيصحوا بيشتغلوا
أبو العيال: بيشتغلوا ايه؟!!
أم العيال: بيشتغلوا على الموبايل ماشاء الله عليهم كل واحد ماسك الموبايل ومركز فيه يا متابع مسلسل يا فيديو يا بيتكلموا مع اصحابهم
أبو العيال: ما المشكله كمان ان اصحابهم سهرانين برضه
أم العيال: يبقى نعمل اجتماع مع الاهالي
ونمنع سهر الليالي
أبو العيال ايه ده اغنيه فيروز كانت جميله اوي
أم العيال: هات كده الموبايل عشان اسمعها
أبو العيال: طيب والمشكله هتتحل ازاي؟؟
أم العيال: اذا كانت فيروز معرفتش تحلها وعملتلها اغنيه احنا اللي هنعرف نحل!
