بقلم : مها عامر
أبو العيال: مقولتليش إنك يعني النهارده هتعملي محشي
أم العيال: لقيت الطماطم فى التلاجه مستويه وفلفل وكوسه وبتنجان
أبو العيال: يا سلام يا سلام
أم العيال: الطماطم غاليه و خساره تبوظ
أبو العيال: صحيح يا أم العيال انتي ست هايله
أم العيال : الجو حر يا أبو العيال والحاجات بتبوظ فى التلاجه
أبو العيال: والله يا أم العيال إحنا من غيرك غلابه
أم العيال: أبو العيال أبو العييييال
أبو العيال: أيوه يا أم العيال فيه حاجه انتي عايزه حاجه يا أم العيال
أم العيال: مش أنا ده العيال
أبو العيال: مالهم
أم العيال: مصيف
أبو العيال: إيه؟؟؟
أم العيال: العيال يا أبو العيال عايزين يا خويا يروحوا المصيف إيه قولك يا أبو العيال
أبو العيال: لا حول ولا قوة إلا بالله
أم العيال: ربنا يقوى إيمانك
أم العيال: أحب أطمنك إني عامله جمعيه مع حسنيه و هقبضها آخر الشهر
أبو العيال: طب كويس ناخدها نعمل بيها مصلحه
أم العيال: نأجل المصلحه و نروح المصيف
يا ترى يا أبو العيال هتعمل ايه؟!
التعليقات مغلقة.